Најнови ВЕСТИ
Search

Трансфер на годината: Осогово купи екс-играч на Интер!

Амбициозниот второлигаш Осогово доби големо засилување во новата сезона во името на искусниот Ацо Стојков.

Поранешниот репрезентативец ќе се обиде да му помогне на тимот да ги оствари своите цели оваа сезона во Втората лига Исток иако Осогово не стартуваше како што треба. По првите три кола има три порази.

Стојков има одиграно 42 натпревари за македонската репрезентација. Тој е поранешен играч на Интер, а фудбалскиот пат го однесе во многу клубови како Специја, Партизан, Дебрецин, Арау, а во домашното првенство имаше одлични настапи за Вардар и Работнички.

Иако важеше за еден од најталентираните фудбалери во Македонија и заедно со Горан Пандев од Беласица како тинејџери направија трансфер во Интер, Стојков не се прослави како неговиот близок пријател. Сега со 36 години, во залезот на кариерата реши да му помогне на Осогово да ги оствари своите цели, да се врати во Првата лига.


TAG