Најнови ВЕСТИ
Search

Рикардо ја откри тајната за добриот резултат: Вкупно шест пици и еве сум на четвртото место!

Пилотот на тимот на Рено, Даниел Рикардо, зборувајќи за трката за Големата награда на Италија, рече дека пицата му помогнала да го освои четвртото место.

На првите три позиции во Монца се пласираа Шарл Леклер од Ферари, Валтери Ботас и Луис Хамилтон од Мерцедес.

Од деновите на Канада, немавме таква брзина. Сигурен сум дека денес навистина бев четвртиот најбрз болид. Ова е навистина уникатна патека каде што „downforce“ е најмалку важно и можете да ги користите најмалите крилја. Во исто време, болидот сè уште има одличен баланс. Благодарност до целиот тим и особено момците од Вири кои прават мотори за нас. Што се однесува до мене, јас имам своја тајна: од среда навечер јадев пица секој ден. Ова е солиден оброк, и му помогна на автомобилот да застане посилно на патеката. Вкупно шест пици – и еве јас сум на четвртото место! Жално е што не бев на подиумот и не успеа да пијам шампањ. Иако нашите механичари дефинитивно заслужуваа големо шише вечерта, изјави Рикардо.